Lluniau: Eisteddfod yr Urdd ddydd Mawrth

Cyhoeddwyd
disgrifiad o’r llunWedi'r glaw ddydd Llun, daeth yr haul allan ar faes Eisteddfod yr Urdd 2013 yng Nghilwendeg ar fore Mawrth.
disgrifiad o’r llunDywedodd llywydd dydd Mawrth, yr actores Llinor ap Gwynedd, fod yr Urdd wedi bod yn rhan bwysig o'i magwraeth a'i bod yn dal i fwynhau gwylio a gwrando. Er iddi gystadlu llawer mewn partion a chorau, unwaith yr aeth ar y llwyfan ar ei phen ei hun "yn y gystadleuaeth dawnsio disgo pan o'n i'n 12 oed. Fe wnes i ddysgu fy hunan - efallai fod hynny'n esbonio pam na ches i wobr!"
disgrifiad o’r llunDan lygad barcud heddwas, cafodd Cian o Ynys Môn dro ar un o feiciau modur yr heddlu.
disgrifiad o’r llunCafodd gorsaf gymunedol yn gwasanaethu siroedd Ceredigion, Caerfyrddin a Phenfro ei lansio yng nghwmni un o gyn ddarlledwyr BBC Radio Cymru, Sulwyn Thomas.
disgrifiad o’r llunMae Sali Mali yn hen ffefryn ar y maes.
disgrifiad o’r llunRoedd mwy o ddefnydd i'r meinciau picnic ar faes yr eisteddfod ddydd Mawrth
disgrifiad o’r llunYn wahanol i ddiwrnod cynta'r ŵyl, roedd cynulleidfa o flaen y llwyfan perfformio heddiw
disgrifiad o’r llunGyda'r maes yn llawer sychach ddydd Mawrth, dywedodd Cyfarwyddwr yr Urdd Aled Siôn nad oedden nhw'n rhagweld unrhyw broblemau pellach yn y meysydd parcio wedi i un cae beidio cael ei ddefnyddio wedi mwd ddydd Llun.