Morgannwg ar drywydd buddugoliaeth

Murray Goodwin oedd prif sgoriwr Morgannwg gyda 69 yn ei fatiad cyntaf

Wedi bore llwyddiannus arall mae Morgannwg ar drywydd buddugoliaeth yn eu gêm ym Mhencampwriaeth y Siroedd yn erbyn Sir Gaerhirfryn ym Mae Colwyn.

Dechreuodd yr ymwelwyr y dydd 15 rhediad y tu ôl i gyfanswm Morgannwg.

Er i Michael Hogan, Michael Reed a John Glover gael llwyddiant yn ystod y bore, roedd batiwr Awstralia, Simon Katich, yn ddraenen yn eu hystlys gan sgorio 69.

Fe gafodd gefnogaeth ystyfnig gan Kyle Hogg (47) a Gareth Cross (30) wrth i Sir Gaerhirfryn gyrraedd cyfanswm o 272 yn eu hail fatiad.

Roedd hynny'n gosod nod i Forgannwg o 154 i ennill y gêm, ac erbyn amser te ar y trydydd diwrnod roedden nhw wedi cyrraedd 50 am 1 wiced, gyda Will Bragg ar 39 heb fod allan.

Morgannwg v Sir Gaerhirfryn - Pencampwriaeth y Siroedd, Ail Adran; Bae Colwyn

Sgôr ddiweddaraf (diwedd yr ail ddiwrnod)

Sir Gaerhirfryn - (batiad cyntaf) 123

Morgannwg - (batiad cyntaf) 242

Sir Gaerhrifryn - (ail fatiad) 272

Morgannwg - (ail fatiad) 50 am 1 wiced