JCB: Cytundeb gwerth £40m yn 'diogelu' swyddi yn Wrecsam

peiriannau cloddi Image copyright JCB
Image caption Bydd y cytundeb gyda Brasil yn diogelu swyddi yn Wrecsam

Mae JCB wedi dweud bod swyddi yn eu ffatrïoedd yn Wrecsam a sir Stafford yn ddiogel ar ôl i'r cwmni arwyddo cytundeb gwerth £40 miliwn.

Mae llywodraeth Brasil wedi archebu mwy na 1,000 o beiriannau cloddio.

Bydd y 350 o weithwyr yn y ffatri yn Wrecsam yn gwneud echelau ar gyfer y peiriannau cloddio.

Bydd y peiriannau yn cael eu defnyddio i wella ffyrdd gwledig er mwyn sicrhau bod bwyd yn cyrraedd marchnadoedd Brasil yn gyflymach.

Cafodd nifer tebyg o beiriannau eu gwerthu i Lywodraeth Brasil y llynedd.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.