Damwain: Rhyddhau dyn ar fechnïaeth

Digwyddodd y ddamwain ddydd Sadwrn

Mae dyn 23 oed gafodd ei arestio mewn cysylltiad â damwain farwol ar Ynys Môn ddydd Sadwrn wedi cael ei ryddhau ar fechnïaeth gan Heddlu'r Gogledd.

Bu farw dyn lleol 32 oed a chafodd tri eu hanafu yn y ddamwain ar yr A5025 i'r gogledd o Lanfaethlu tua 2:00am.

Aed â'r tri a gafodd eu hanafu i Ysbyty Gwynedd, Bangor, ond nid oedd eu hanafiadau yn ddifrifol.

Mae'r heddlu yn apelio ar unrhyw un â welodd y car Ford Fiesta coch yn cael ei yrru cyn y ddamwain i gysylltu â nhw ar 101.