Flores ddim ar gael ar gyfer Wembley

Cyhoeddwyd
Ffynhonnell y llun, Huw Evans picture agency
Disgrifiad o’r llun, Fe gafodd Flores ei anafu ddydd Sadwrn

Mae'n debyg na fydd yr amddiffynnwr Chico Flores ar gael i wynebu Bradford yn ffeinal Cwpan Capital One yn Wembley.

Fe wnaeth Flores anafu ei bigwrn yn y fuddugoliaeth yn erbyn QPR ddydd Sadwrn.

Credir y bydd Flores yn colli'r gêm yn erbyn Lerpwl ar Chwefror 17 ac yna'r gêm yn erbyn Bradford y dydd Sul canlynol.

"Mae'n annhebygol o chwarae yn y ffeinal," meddai Kate Rees, ffisiotherapydd y Gweilch.

"Mae'n anodd dweud yn union am faint fydd e'n absennol, mae'n rhaid i ni aros i'r chwydd fynd lawr cyn i ni allu ei asesu'n iawn. "

Teithiodd Flores i Dubai gyda gweddill y garfan ddydd Sul ar gyfer sesiwn hyfforddi.