Cwpan Cymru: Yr enwau o'r het

Cyhoeddwyd
Ffynhonnell y llun, Huw Evans picture agency
Disgrifiad o’r llun, Pwy fydd yn codi Cwpan Cymru eleni?

Daeth yr enwau o'r het ar gyfer rownd wyth olaf Cwpan Cymru, ac fe fydd o leia' un tîm o'r tu allan i'r Uwchgynghrair yn y rownd gynderfynol.

Fe fydd clybiau o'r Uwchgynghrair yn wynebu ei gilydd mewn dwy o'r gemau.

Fe gafodd tair o gemau'r bedwaredd rownd eu gohirio oherwydd y tywydd.

Os fydd y deiliaid - Y Seintiau Newydd - yn llwyddo i oresgyn Y Rhyl yn y bedwaredd rownd fe fyddan nhw'n wynebu taith i Hwlffordd yn y rownd nesaf.

Caerfyrddin yn erbyn Prestatyn yw'r unig gêm sy'n gyflawn hyd yma, ac fe fydd y gemau'n cael eu chwarae ar benwythnos Mawrth 1,2 neu 3.

Cwpan Cymru - Rownd yr wyth olaf :-

Bangor v. Y Drenewydd neu Airbus UK Brychdyn;

Caerau-Trelái neu'r Fflint v. Y Barri;

Caerfyrddin v. Prestatyn;

Hwlffordd v. Y Seintiau Newydd neu'r Rhyl.

Straeon perthnasol