BBC Cymru Fyw

Pêl-droediwr yn rhoi bwyd i'r digartref

Published
image copyrightHuw Evans picture agency
image captionCafodd y chwaraewr ei alw'n 'Rangel yr Angel' am ei weithred hael
Bu seren tîm pêl-droed Abertawe, Angel Rangel, a'i wraig Nikki ar strydoedd y ddinas dros nos Wener yn dosbarthu bwyd i'r digartref.
Dywedodd y ddau fod ganddynt fwyd dros ben, felly fe aeth y ddau yn eu car o gwmpas Abertawe yn chwilio am bobl oedd angen cymorth.
Roedd yr ymateb i'r weithred ar wefan Twitter yn ysgubol, gyda llawer yn ei enwi fel 'Rangel yr Angel'.
Dechreuodd y chwaraewr drwy ofyn ar Twitter: "Oes unrhyw un yn gwybod os oes yna bobl ddigartref yn Abertawe? Mae gen i fwyd dros ben."
Dywedodd Rangel mai syniad ei wraig Nikki oedd y cyfan, ac roedd y ddau wrth eu bodd gyda'r ymateb.
Dywedodd Nikki: "Diolch yn fawr iawn am eich trydar - doeddwn i nag Angel yn disgwyl hynny o gwbl.
"Doedden ni ddim am weld y bwyd yn mynd yn wastraff pan y gallai fynd i bobl sydd ei angen."

Straeon perthnasol

  • Rhybuddion rhew wedi'r eira mawr