Canlyniadau'r Pro12

Munster 6-17 Gleision

Fe roedd yna fuddugoliaeth haeddiannol i'r Gleision yn Munster.

Croesodd y Gleision am ddau gais. Yr asgellwr Owen Williams a'r wythwr Robin Copeland yn sgorio i'r ymwelwyr.

Cyn hynny roedd Rhys Patchell a Ronan O'Gara wedi cicio cig gosb yr un.

Croesodd Williams ar ôl 43 munud., dim ond i O'Gara daro nôl gyda chic cob arall.

Sicrhawyd y pwyntiau pan groesodd Copeland ar ôl 70 munud.

Connacht 30-11 Y Dreigiau

Roedd y tîm cartref yn falch o'r fuddugoliaeth ar ôl colli pedwar gem yn olynol yn y Pro12 cyn cwrdd â'r Dreigiau.

Fe wnaeth cyn faswr y Gleision Dan Parks roi Connacht 6-0 ar y blaen gyda dwy gic gosb.

Yna yn dilyn hyrddiad ymlaen gan Mike McCarthy dyfarnwyd cais gosb i'r tîm cartref.

Fe wnaeth cais gan George Naoupu roi Connacht 20-0 ar y blaen cyn i Tom Prydie daro nôl gyda chic cosb i'r Dreigiau cyn yr egwyl

Yn yr ail hanner fe groesodd Danie Poolman i Connacht, gyda Jonathan Evans yn sgorio cais cysur yn hwyr yn y gêm i'r Dreigiau.