BBC Cymru Fyw

Dyn yn y ddalfa ar ôl i gorff gael ei ddarganfod Ddydd Nadolig

Published
image copyrightWales News Service
image captionDaethpwyd o hyd i gorff Charmaine Macmuiris Ddydd Nadolig
Mae dyn 28 oed wedi ei gyhuddo o lofruddio menyw 37 oed yng Nghaerfyrddin yn y ddalfa.
Cafwyd hyd i gorff Charmaine Macmuiris, mam i dri, tua 10.50am Ddydd Nadolig mewn tŷ ym Maes yr Ysgol.
Roedd David Thomas O'Sullivan o Faes yr Ysgol, Caerfyrddin, mewn gwrandawiad blaenorol yn Llys y Goron Caerdydd.
Cafodd ei gyhuddo o lofruddio Ms Macmuiris rhwng Rhagfyr 23 a 25.
Roedd y gwrandawiad i fod yr wythnos nesa' ond rhaid i rywun ar gyhuddiad o lofruddio ymddangos yn Llys y Goron 48 o oriau wedi ei ymddangosiad cynta' yn Llys yr Ynadon.
Cadarnhaodd y diffynnydd ei enw a'i gyfeiriad.
Bydd yn Llys y Goron Abertawe ar Fawrth 14.