BBC Cymru Fyw

Abertawe yn cael buddugoliaeth yn erbyn Fulham

Published
image copyrightHuw Evans picture agency
image captionDanny Graham yn sgorio ar ôl dod nôl i'r tîm

Fulham 1-2 Abertawe

Gorffennodd Abertawe gyda buddugoliaeth a thri phwynt arall ar ddiwedd y flwyddyn.

Dyma fuddugoliaeth gampus i'r Elyrch mewn tywydd gaeafol iawn.

Roedd hi'n fuddugoliaeth a oedd yn deyrnged i ddycnwch a chymeriad tîm Michael Laudrup yn hytrach na'u doniau.

Fulham wnaeth feistroli am gyfnodau hir o'r gêm.

Sgoriodd Danny Graham wedi 19 munud i sicrhau buddugoliaeth gyntaf Yr Elyrch yn y gynghrair mewn pum gêm.

Roedd Abertawe ar y blaen ar yr hanner cyn mynd ymhellach ar y blaen o fewn 10 munud cyntaf yr ail hanner pan sgoriodd Jonathan de Guzman.

Ond o fewn pedwar munud llwyddodd Bryan Ruiz i ganfod cefn y rhwyd yn Craven Cottage.

Ond doedd hi ddim yn ddigon i'r tîm cartref sydd wedi ennill un gêm yn unig o'r 12 diwethaf.

Llwyddodd Abertawe i gadw at eu record o ennill yn erbyn Fulham yn yr Uwch Gynghrair ar ôl gwneud y dwbl y tymor diwethaf.

Roedd prif sgoriwr y gynghrair, Miguel Michu wedi anafu a ddim ar gael i'r Elyrch ond gyda Graham yn ôl yn y garfan doedd absenoldeb y Sbaenwr ddim mor ddrwg â hynny.

Ond roedd hi'n gêm i'w anghofio i golgeidwad y tîm cartref gan fod camgymeriadau David Stockdale wedi bod yn allweddol i fuddugoliaeth Abertawe.

Aros yn y nawfed safle mae'r Elyrch.

Straeon perthnasol

  • Gêm gyfartal i Abertawe yn erbyn Reading