BBC Cymru Fyw

QPR yn diswyddo Mark Hughes

Published
image copyrightGetty Images
image captionMark Hughes - wedi ei ddiswyddo
Mae cyn reolwr Cymru wedi cael y sac gan glwb pêl-droed QPR yn yr uwchgynghrair.
Gwnaed y cyhoeddiad gan Fwrdd Rheoli'r clwb ddydd Gwener.
Mark Bowen ac Eddie Niedzwiecki, sy'n gyn chwaraewyr rhyngwladol i Gymru, fydd wrth yr awenau ar gyfer gem QPR yn erbyn Manchester United ddydd Sadwrn.
Dywedodd llefarydd ar ran y clwb fod y Bwrdd Rheoli wedi cynnal nifer o gyfarfodydd dros yr wythnosau diwethaf i drafod y sefyllfa.
"Mae'r Bwrdd Rheoli wrthi ar hyn o bryd yn ceisio rhoi tîm rheoli newydd wrth y llyw cyn gynted â bod modd. "
"Hoffai'r cyfarwyddwyr ddiolch i Mark am ei ymroddiad a gwaith caled yn ystod y 10 mis y bu wrth y llyw."
Mae QPR ar waelod yr uwchgynghrair, heb ennill yr un gêm y tymor hwn.
Yr wythnos diwethaf colli oedd yr hanes yn erbyn Southampton, clwb arall ar waelodion yr uwchgynghrair.
Harry Redknapp, cyn reolwr Tottenham, yw'r ffefryn i olynu Hughes.

Straeon perthnasol

  • City yn diswyddo Mark Hughes