BBC Cymru Fyw

Alun Wyn Jones angen llawdriniaeth ar ei ysgwydd

Published
image copyrightHuw Evans picture agency

Mae'n bosib bydd y clo Alun Wyn Jones yn colli dechrau Pencampwriaeth y Chwe Gwlad oherwydd anaf i'w ysgwydd.

Cafodd ei anafu yn hanner cyntaf y gêm rhwng Cymru a'r Ariannin ddydd Sadwrn diwethaf.

Mae'n debyg na fydd y clo 27 oed yn gallu chwarae eto am hyd at 16 wythnos.

Bydd angen llawdriniaeth ar ei ysgwydd.

Oherwydd yr anaf fe fydd Jones, capten y Gweilch, hefyd yn colli gemau Cwpan Heineken.

Bydd Cymru yn wynebu Samoa nos Wener yn Stadiwm y Mileniwm.

Fe fyddan nhw hefyd yn herio Seland Newydd ac Awstralia dros yr wythnosau nesaf.

Straeon perthnasol

  • Dim lle i Warburton yn nhîm Cymru