BBC Cymru Fyw

Bala: Cyhuddo dyn o lofruddiaeth

Published
image captionCafodd y stryd ei chau gan yr heddlu wedi'r digwyddiad ddydd Sadwrn
Mae Heddlu Gogledd Cymru wedi cyhuddo dyn o lofruddiaeth yn nhre'r Bala ddydd Sadwrn, Tachwedd 10.
Cafodd Julius Hecko, 23 oed o dras Slofacia, ei gyhuddo o lofruddio Branislav Gula, 42 oed a hefyd o Slofacia.
Digwyddodd y drosedd yn Heol y Plase, Y Bala ddydd Sadwrn.
Bydd Hecko yn ymddangos gerbron ynadon Caernarfon fore Mercher.
Cafodd pedwar person arall gafodd eu harestio ar amheuaeth o gynorthwyo troseddwr eu rhyddhau ar fechnïaeth wrth i blismyn barhau gyda'r ymchwiliad i'r digwyddiad.
Dywedodd y Ditectif Brif Arolygydd Andrew Williams, sy'n arwain yr ymchwiliad: "Er ein bod wedi cyhuddo dyn o lofruddiaeth, mae ein hymchwiliad yn parhau.
"Hoffwn apelio ar unrhyw un yn y gymuned yma oedd yn dyst i ddigwyddiadau arweiniodd ar y digwyddiad ar ddydd Sadwrn, Tachwedd 10 - neu yn wir unrhyw un sy'n gallu ein cynorthwyo i greu darlun cyflawn a chefndir i'r achos - i ffonio'r heddlu ar 101."
Fe all pobl hefyd ffonio Taclo'r Tacle yn ddienw ar 0800 555111.

Straeon perthnasol

  • Y Bala: Mwy o amser i holi dyn