BBC Cymru Fyw

Andy Legg yn ymddiswyddo fel rheolwr pêl-droed Llanelli

Published
image copyrightHuw Evans picture agency
image captionBu Andy Legg wrth y llyw yn Llanelli ers 2009
Mae rheolwr clwb pêl-droed Llanelli, Andy Legg, wedi ymddiswyddo.
Daeth penderfyniad cyn chwaraewr Abertawe a Chaerdydd ar ôl i Lanelli golli 6-1 yn erbyn Cei Conna ddydd Sul.
Roedd y gêm gartref ar Barc Stebonheath yn Uwchgynghrair Cymru.
Mae'r clwb wedi diodde' problemau ariannol dros y misoedd diwethaf.
Fe wnaethon nhw oroesi cais i'w dirwyn i ben yn yr Uchel Lys fis Medi.
Roedd yr Adran Gyllid a Thollau Ei Mawrhydi wedi gwneud cais am fod y clwb wedi methu talu dyledion.
Bu Legg yn rheolwr ar y clwb ers 2009.
Enillodd Llanelli Gwpan Cymru yn 2011 a'r tymor diwethaf roedden nhw'n drydydd yn yr Uwchgynghrair tu ôl i Fangor a'r Seintiau Newydd.

Straeon perthnasol

  • Llanelli 1 - 6 Cei Conna