Taro a ffoi: Gadael yr ysbyty

Cyhoeddwyd
Ffynhonnell y llun, South Wales Police
Disgrifiad o’r llun,
Bydd angladd Karina Menzies, 31, ar Dachwedd 9.

Mae'r holl bobl gafodd eu hanafu ar ôl cael eu taro gan fan yng Nghaerdydd bron i bythefnos yn ôl wedi gadael yr ysbyty.

Fe gafodd 13 o bobl eu cludo i Ysbyty Athrofaol Cymru am driniaeth ar Hydref 19.

Bu farw Karina Menzies, 31 oed, yn y digwyddiad.

Mae Mathew Tvrdon, 31 oed, wedi ei gadw yn y ddalfa ar gyhuddiad o lofruddio, ceisio llofruddio, ymosod a gyrru'n beryglus.

Bydd angladd Ms Menzies yn cael ei chynnal ar ddydd Gwener, Tachwedd 9.