BBC Cymru Fyw

Michel Vorm allan am rai wythnosau ar ôl anaf

Published
image copyrightGetty Images
image captionCafodd Michel Vorm ei gludo oddi ar y cae wedi'r anaf
Fydd gôl-geidwad Abertawe ddim ar gael am 6-8 wythnos ar ôl anaf yn ystod y gêm yn erbyn Manchester City ddydd Sadwrn.
Fe wnaeth y clwb gadarnhau'r anaf i forddwyd Michel Vorm ddyddiau cyn i Abertawe wynebu Lerpwl ym mhedwaredd rownd Cwpan Capital One nos Fercher.
Cafodd Vorm ei anafu wrth geisio arbed ergyd Carlos Tevez roddodd y fuddugoliaeth i'r pencampwyr yn Stadiwm Etihad.
Yr Almaenwr Gerhard Tremmel, 33 oed, aeth ymlaen yn lle Vorm ac mae disgwyl iddo gychwyn y gêm i'r Elyrch ddydd Mercher yn Anfield.
Tremmel sydd wedi bod yn y gôl i Abertawe yn y ddwy gêm Capital One y tymor yma.
Y gêm ddydd Sadwrn oedd ei chweched yn unig i Abertawe ar ôl dod ymlaen fel eilydd wedi 64 munud.
Mae Tremmel yn gyn-chwaraewr gyda Red Bull Salzburg.

Straeon perthnasol

  • Manchester City 1-0 Abertawe