Medal aur i'r Gymraes Becky James a'i phartner Jess Varnish

Enillodd Becky James fedal aur ar y diwrnod cyntaf

Mae'r Gymraes Becky James a'i phartner Jess Varnish wedi ennill y fedal aur yn y ras wibio i dimau ar ddiwrnod agoriadol Pencampwriaeth Seiclo Trac y Byd yn Colombia.

Enillodd y ddwy gydag amser o 33.734 eiliad - dros eiliad a hanner yn gynt na Kayono Maeda a Hiroko Ishii o Japan.

Roedd y gystadleuaeth - y gyntaf yng nghyfres Cwpan y Byd - hefyd yn nod ymddangosiad cyntaf y tîm newydd Team SWI Welsh Cycling.

Enillodd Amy Roberts, Elinor Barker a Ciara Horne y fedal arian yn y ras ymlid i dimau.

Yr Eidal enillodd y gystadleuaeth honno.