Apêl am ddyn o Abertawe sydd heb ei weld ers pythefnos

Image copyright Heddlu De Cymru

Image caption Dydi Simon Cunnington ddim wedi ei weld ers pythefnos

Mae'r heddlu'n apelio am wybodaeth gan y cyhoedd am leoliad dyn 28 oed o Abertawe.

Credir mai'r tro olaf y cafodd Simon Cunnington ei weld oedd yn Wye Close ym Monymaen am 5pm ddydd Mercher, Medi 26.

Mae ganddo gysylltiadau gyda chanol y ddinas a Teml y Ddinas yn ardal Stryd Dyfaty.

Dywedodd yr heddlu ei fod yn 5 troedfedd 7 modfedd o daldra ac yn denau.

Does 'na ddim manylion am ei ddillad ond roedd cap pêl-fasged ar ei ben.

Os oes gan unrhyw un wybodaeth fe ddylai gysylltu gyda'r heddlu ar 101 neu Taclo'r Tacle'n ddienw ar 0800 555 111.