Ac eto nid myfi - rhestr o feirdd Morgannwg Iolo

Iolo Morganwg
Image caption Iolo Morganwg

Yr ydym yr wythnos hon ym mro yr hynotaf o bell o gymeriadau ein llenyddiaeth a'n diwylliant.

Yr athrylith anhygoel Iolo Morganwg a fyddai wedi bod wrth ei fodd gweld ei 'Steddfod yn ymweld â'r fro a olygai gymaint iddo.

Digwydd cyfarfod ag un o'i edmygwyr mawr, Islwyn 'Gus' Jones, ar y Maes y dydd o'r blaen a chofio ei fod yn casglu enwau beirdd y bu Iolo yn creu ac yn cyhoeddi wrth eu henwau.

Y bwriad oedd creu'r argraff o weithgarwch barddol byrlymus yn y Fro.

Mae'n rhestr hir.

"Ac mae'r enwau yn dangos cryn ddyfeisgarwch gan ddyn a oedd heb unrhyw amheuaeth yn wir athrylith," meddai Islwyn Jones wrth rannu'r rhestr â mi.

Dyma hi y rhestr o enwau 'beirdd' o Forgannwg yn ôl Iolo:

Image caption Bu Islwyn 'Gus' Jones yn casglu rhestr o enau 'beirdd' Iolo Morganwg
  • Rhys Goch ap Rhicert
  • Gwgan Fardd
  • Gwgan Varvawg
  • Ieuan Fawr ap y Diwlith
  • Y Bardd Glas o'r Gadair (Geraint Fardd Glas)
  • Ystyffan Fardd Teilo
  • Wil Tabwr
  • Tomas ap Llywelyn o Rigos
  • Meilir Mathew
  • Evan Sion Meredydd
  • William Hain
  • Lleision Ifan
  • Edward Dafydd
  • Dafydd Williams
  • Morgan Gruffydd
  • Hopcin Llywelyn
  • Siôn Padarn
  • Hywel Llwyd o Lancarfan
  • William Llywelyn
  • William Sauders o Landochau Fach
  • Siôn Hywel o Landaf
  • Lewis William o Ferthyr Tudful
  • Siencyn Lygad Rhowlin o Ystadyfodwg
  • Siôn Lewis Hywel o Lanrisaint
  • Edern Dafod Aur
  • John Roberts
  • Hywel Lewis
  • Dafydd Evan Siôn
  • Dafydd Llwyd Mathew.

Casgliad gyda'r mwyaf lliwgar ac amrywiol o enwau beirdd - a phob un ohonynt yn Iolo Morganwg.

Diolch i Gus am fenthyg ei restr a'i rhannu.