Oedi i drin cleifion yn uned frys Ysbyty Treforys, Abertawe

Cyhoeddwyd
ffynhonnell y llun(C) British Broadcasting Corporation
disgrifiad o’r llunRoedd 'na oedi cyn i'r gwasanaeth ambiwlans drosglwyddo cleifion i'r ysbyty

Mae bwrdd iechyd sy'n gyfrifol am Ysbyty Treforys yn Abertawe wedi ymddiheuro i gleifion ar ôl oedi wedi penwythnos estynedig gŵyl y banc.

Roedd yr oedi yn uned frys yr ysbyty.

Bu'n rhaid i ambiwlansys aros cyn trosglwyddo cleifion i'r ysbyty nos Fercher.

Mae Bwrdd Iechyd Prifysgol Abertawe Bro Morgannwg wedi disgrifio nos Fercher fel noson brysur iawn.

"Roedd nifer o gleifion yno ac roedd y staff yn gweithio'n galed i leihau'r amser aros ar gyfer cleifion a'r ambiwlansys," meddai llefarydd.

Dywedodd eu bod yn cyd-weithio gyda'r gwasanaeth ambiwlans i geisio lleihau'r oedi.

"Daw'r oedi wedi penwythnos estynedig prysur i'r uned frys," ychwanegodd.

"Yn anffodus, roedd hyn yn arwain at oedi cyn trin cleifion."

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol