Llai yn ddi-waith yng Nghymru

Cyhoeddwyd
Ffynhonnell y llun, Getty Images
Disgrifiad o’r llun,
Trwy'r DU mae nifer y di-waith yn 2.63 miliwn

Mae nifer y di-waith yng Nghymru wedi syrthio o fil yn y tri mis hyd at fis Mawrth.

Roedd 132,000 o bobl allan o waith trwy Gymru, sef tua 9% o'r gweithlu, yn ôl y Swyddfa Ystadegau.

Trwy Brydain, roedd cwymp o 45,000 yn nifer y di-waith i 2.63 miliwn.

Ond parhau i godi mae canran y menywod sy'n ddi-waith.

Fe wnaeth 8,000 o ferched golli eu swyddi rhwng Ionawr a Mawrth, mae hynny'n cymharu â gostyngiad o 9,000 ymhlith nifer y dynion sy'n hawlio budd-dal.

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol