Morgannwg yn atgyfodi

Cyhoeddwyd
ffynhonnell y llun, Getty Images
disgrifiad o’r llunCipiodd Graham Wagg ddwy wiced sydyn yn ail fatiad Hampshire

Roedd hi'n ymddangos bod Morgannwg mewn trafferthion ar ddiwedd ail ddiwrnod eu gêm yn y bencampwriaeth yn erbyn Hampshire yn Stadiwm Swalec.

Wedi diwrnod siomedig ddydd Gwener, fe ddaeth y batwyr i'r adwy ddydd Sadwrn, yn enwedig Ben Wright.

Sgoriodd Wright 104 yn ail fatiad Morgannwg, a gyda chymorth 54 gan Stewart Walters, llwyddodd Morgannwg i gael cyfanswm o 256 yn eu hail fatiad - mantais o 203.

Yna fe gipiodd Graeme Wagg ddwy wiced sydyn ar ddechrau ail fatiad yr ymwelwyr.

Cyfrannodd Allenby a Henriques wiced yr un hefyd wrth i Forgannwg weld cyfle am fuddugoliaeth annisgwyl gydag Allenby yn cipio wiced bwysig Simon Katich.

Ond aeth rhediadau hwyr i'r ymwelwyr i olygu y bydd hi'n ddiweddglo cyffrous iawn i'r gêm ar y diwrnod olaf ddydd Sul.

Y nod i Hampshire yw 204, ond os daw wicedi cynnar i Forgannwg, bydd y capten Mark Wallace yn gobeithio y gall ei dîm gipio eu buddugoliaeth gyntaf y tymor hwn.

Morgannwg v Sir Hampshire (Trydydd diwrnod)

Morgannwg: (Batiad cyntaf) 103 am 9

(ail fatiad)256

Hampshire: (Batiad cyntaf) 156

(ail fatiad) 110 am 4

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol