Dyn wedi'i gadw'n y ddalfa ar amheuaeth o lofruddio

Cyhoeddwyd
Ffynhonnell y llun, (C) British Broadcasting Corporation
Disgrifiad o’r llun, Cafodd yr heddlu eu galw i'r tŷ nos Wener am 9.20pm

Mae dyn 42 oed yn y ddalfa ar gyhuddiad o lofruddio ei wraig a'u mab dyflwydd oed.

Fe ymddangosodd David Wyn Jones yn Llys Ynadon Caernarfon ddydd Llun wedi i gyrff Suzanne Marie Jones a William Wyn Jones gael eu darganfod yn eu cartre' ym Mhwllgoleulas ger Tremadog nos Wener.

Mewn gwrandawiad a barodd lai na 10 munud fe siaradodd y diffynnydd deirgwaith wrth gadarnhau ei enw, ei oedran a'i gyfeiriad.

Bydd yn y ddalfa tan y gwrandawiad nesa' yn Llys y Goron Caernarfon brynhawn dydd Llun.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol