Lido Afan yn y rownd derfynol Cwpan Cynghrair Cymru

Roedd Lido Afan a Chastell-nedd yn wynebu ei gilydd yn ail gymal rownd gynderfynol Cwpan Cynghrair Cymru.

Castell-nedd aeth ar y blaen wedi hanner awr wrth i Craig Hughes sgorio.

Ond daeth Lido Afan yn ôl wedi'r hanner wrth i Daniel Thomas a Carl Payne rwydo o fewn tri munud.

Roedd Castell-nedd i lawr i 10 dyn am y chwarter awr olaf wedi i Joe Holt dderbyn cerdyn coch.

Ar ôl y ddau gymal Lido Afan oedd yn fuddugol o 3-1.

Fe fyddan nhw'n wynebu unai'r Drenewydd neu'r Seintiau Newydd yn y rownd derfynol.

Canlyniadau:

Dydd Sadwrn:

Lido Afan 2-1 Castell-nedd (Lido Afan yn ennill o 3-1 dros y ddau gymal)

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.