Ffordd wedi ail-agor 24 awr wedi damwain angheuol

Cyhoeddwyd
ffynhonnell y llun, (C) British Broadcasting Corporation
disgrifiad o’r llun, Bu ffordd yr A40 ar gau drwy'r dydd wedi'r ddamwain

Mae ffordd yr A40 ger Hendy-gwyn ar Daf yn Sir Gaerfyrddin wedi ail agor wedi damwain angheuol ddydd Gwener.

Bu farw un gyrrwr wedi'r ddamwain rhwng tair lori.

Dywedodd Heddlu Dyfed Powys bod y ffordd wedi ail agor tua 5.50am ddydd Sadwrn, 24 awr ar ôl y ddamwain.

Mae'r cyngor wedi rhoi wyneb newydd ar y ffordd.

Cafodd dau yrrwr lori arall eu cludo i'r ysbyty ar ôl y gwrthdrawiad.

Bu'r ddamwain ar fryn Pengawse ger Hendy-gwyn ar Daf am 5.40am ddydd Gwener.

Dywedodd Gwasanaeth Tân ac Achub Canolbarth a Gorllewin Cymru fod offer hydrolig arbennig wedi ei ddefnyddio i dorri un person yn rhydd.

Mae traffig yn cael ei ddargyfeirio i'r A477 i Gilgeti a'r A478 trwy Arberth.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol