Cyngor Sir y Fflint i drafod 'gwendidau'

Cyhoeddwyd
Ffynhonnell y llun, (C) British Broadcasting Corporation
Disgrifiad o’r llun, Bydd yr adroddiad yn cael ei drafod gan gynghorwyr ddydd Llun.

Bydd cynghorwyr yn Sir y Fflint yn trafod eu hymateb i adroddiad swyddogol sy'n tanlinellu rhai gwendidau o fewn y cyngor.

Dywed adroddiad Swyddfa Archwilio Cymru (SAC) fod y problemau hyn "yn dal i rwystro perfformiad."

Mae'r adroddiad hefyd yn son am "gynnydd da" mewn rhai meysydd.

Y llynedd cafwyd adroddiad oedd yn son am "wendidau" yn system budd-dal tai'r cyngor.

Mae'n ofynnol i'r Archwilydd Cyffredinol gyhoeddi adroddiad gwelliant bob blwyddyn ar gyfer pob awdurdod yng Nghymru.

Bydd yr adroddiad yn cael ei drafod gan Bwyllgor Trosolwg a Chraffu Adran Adnoddau Corfforaethol y cyngor ddydd Llun.

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol