Caerdydd 3-1 Peterborough

Rudy Gestede a Haris Vuckic Image copyright Other
Image caption Rudy Gestede a Haris Vuckic yn dathlu ail gôl Caerdydd

Caerdydd 3-1 Peterborough

Cododd Caerdydd i'r trydydd safle yn y Bencampwriaeth yn dilyn eu buddugoliaeth yn erbyn Peterborough yn Stadiwm Caerdydd nos Fawrth.

Sgoriodd yr Adar Gleision dair gwaith mewn cyfnod o chwe munud yn ystod yr hanner cyntaf.

Yn dilyn hanner awr agoriadol diflas sgoriodd Peter Whittingham gôl gyntaf Caerdydd ar ôl rhwydo â chic gornel ei hun gan achosi tipyn o embaras i gôl-geidwad yr ymwelwyr, Joe Lewis.

Sgoriodd Rudy Gestede ail gôl yr Adar Gleision bedair munud yn ddiweddarach pan rwydodd gyda'i ben ac roedd yr ornest ar ben pan sgoriodd Haris Vuckic y drydedd gôl chwe munud cyn diwedd yr hanner cyntaf.

Sgoriodd Paul Taylor gôl gysur i'r ymwelwyr ym munud ola'r gêm.

Caerdydd: Marshall, McNaughton, Taylor, Gerrard, Turner, Whittingham, Cowie, Gunnarsson, Vuckic, Miller, Gestede.

Eilyddion: Parish, Kiss, Conway, Blake, Mason

Peterborough: Lewis, Briggs, Bennett, Zakuani (Little 45), Alcock, McCann, Rowe, Frecklington, Ball, Boyd, Taylor,

Eilyddion: Jones, Little, Tunnicliffe, Tomlin, Sinclair

TABL Y BENCAMPWRIAETH

Gemau Gwahaniaeth Goliau Pwyntiau
1. West Ham 30 +16 57
2. Southampton 31 +22 56
3. CAERDYDD 31 +14 53
4. Blackpool 31 +14 52
5. Birmingham 30 +20 51
6. Reading 30 +11 51

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.