Canfod corff wedi tân mewn carafán yn Llangollen

Y garafán wedi'i llosgi yn Llangollen Image copyright Other
Image caption Cafwyd hyd i gorff dyn yn y garafán yn Llangollen

Cafodd corff ei ganfod ar ôl tân mewn carafán yn Llangollen.

Derbyniodd y gwasanaethau brys alwad ffôn am 11.11pm nos Lun i barc carafanau yn Ffordd Yr Abaty.

Aeth dau griw o Langollen a chriw o'r Waun i'r safle.

Cafwyd hyd i gorff dyn yn y garafán.

Credir ei fod yn ei 40au.

Mae Heddlu Gogledd Cymru a Gwasanaeth Tân ac Achub Gogledd Cymru yn ymchwilio.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.