Sunderland 2-0 Abertawe

Cyhoeddwyd
ffynhonnell y llun, (C) British Broadcasting Corporation
disgrifiad o’r llunStephane Sessegnon (chwith) sgoriodd yr un gynta

Sunderland 2-0 Abertawe

Gadawodd chwaraewyr Abertawe y cae'n benisel - er eu bod yn rheoli'r gêm am gyfnodau hir cafodd dwy gôl wych eu sgorio yn eu herbyn.

Stephane Sessegnon sgoriodd y gynta wedi 14 munud a chyrlio'r bêl i mewn i'r rhwyd.

Roedd Sebastian Larsson wedi taro'r postyn cyn i Scott Sinclair wastraffu cyfle i'r ymwelwyr a methu'r gôl o chwe llath.

Abertawe oedd yn pasio'n bert ond Craig Gardner seliodd y fuddugoliaeth wrth saethu o 20 llath.

Ar ddiwedd gêm gystadleuol Sunderland yn mynd â hi.

Tabl yr Uwchgynghrair