Aberystwyth yn colli pwynt

Uwchgyngrhair Cymru Image copyright Not Specified

Mae Clwb Pêl-droed Aberystwyth wedi colli un pwynt ar ôl chwarae gyda chwaraewr nad oedd yn gymwys i chware i'r tîm yn Uwchgynghrair Cymru.

Dydi enw'r chwaraewr ddim wedi ei ddatgelu.

Doedd o ddim wedi cael ei gofrestru yn iawn cyn chwarae yn y gêm yn erbyn Llanelli ar Barc Stebonheath ar Hydref 8.

Roedd gan y clwb hawl i apelio i Gymdeithas Bêl-Droed Cymru.

Ond penderfynodd y clwb beidio apelio.

Mae colli pwynt yn golygu bod Aberystwyth wedi gorffen hanner cyntaf y tymor gyda 17 pwynt ac yn ail hanner y tabl.

Collodd Aberystwyth y gêm dan sylw o 2-0 yn erbyn Llanelli.

TABL UWCHGYNGRHAIR CYMRU - Ionawr 4, 2012

Gemau Gwahaniaeth Goliau Pwyntiau
1. Bangor 22 +24 50
2. Seintiau Newydd 22 +28 49
3. Llanelli 22 +25 45
4. Castell-nedd 20 +11 39
5. Bala 21 +8 36
6. Prestatyn 21 -4 27
----------------------------------------------------------------
7. Airbus UK 22 -5 25
8. Lido Afan 21 -9 22
9. Port Talbot 21 -10 22
10. Aberystwyth* 22 -11 17
11.Caerfyrddin 22 -36 13
12. Y Drenewydd* 21 -31 13
* - Y Drenewydd yn ildio 3 phwynt ac Aberystwyth yn ildio 1 am fod â chwaraewyr nad oedd yn gymwys.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.