Damwain: Pedwar yn yr ysbyty

Mae pedwar o bobl wedi eu cludo i'r ysbyty yn sir Benfro yn dilyn gwrthdrawiad rhwng tri char.

Fe ddigwyddodd y ddamwain am 11.55am ddydd Sadwrn ar yr A487 rhwng Tŷ Ddewi ac Abergwaun.

Bu'n rhaid defnyddio offer torri arbennig i ryddhau dau berson o un o'r ceir.

Mae'r pedwar bellach mewn cyflwr sefydlog yn ysbyty Withybush yn Hwlffordd.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.