Wrecsam 2 Gateshead 1

Wrecsam 2 Gateshead 1

Mae Wrecsam ar frig yr adran ar ôl trechu Gateshead ar y Cae Ras.

Hyd yn hyn maen nhw wedi ennill 12 gêm o'r bron.

Ar ôl tair munud sgoriodd Mathias Pogba i'r tîm cartre ond roedd amddiffyn gwael yn gyfle i Micky Cummins rwydo i'r ymwelwyr wedi 20 munud.

Cydchwaraeodd Curtis Obeng a Jake Speight yn bert cyn i Danny Wright benio'r gôl fuddugol.

Casnewydd 0 Fleetwood Town 1

Casnewydd berfformiodd orau yn yr hanner cynta ond yr ymwelwyr achubodd eu cyfle.

Cyfunodd Gareth Seddon ac Andy Mangan yn grefftus cyn i Peter Cavanagh rwydo wedi 75 munud.

Cafodd Keiran Charnock o Fleetwood ei anfon o'r cae am daclo Andrew Hughes yn hwyr.

Dywedodd rheolwr Casnewydd, Justin Edinburgh, taw ei anrheg Nadolig orau fyddai lwc.

Tabl Uwchgynghrair Blue Square Bet

Gemau Gwahaniaeth Goliau Pwyntiau
1. WRECSAM 24 25 53
2. Fleetwood 23 19 50
3. Southport 25 4 47
4. Caerefrog 24 27 44
5. Luton 24 18 42
-----------------------------------------------------------------------------------------
19.CASNEWYDD 25 -7 22
20. Kettering 25 -23 22
21. Hayes a Yeading 24 -15 21
22. Stockport 24 -16 19
23. Alfreton 24 -29 17
24. Caerfaddon 24 -23 13