Llanelli ar frig y tabl

Uwchgyngrhair Cymru Image copyright Not Specified

Cwta fu teyrnasiad Bangor ar frig Uwchgynghrair Cymru wrth i Lanelli drechu Prestatyn ddydd Sul.

Jason Bowen roddodd Llanelli ar y blaen wedi dim ond 6 munud, ond fe ddaeth Prestatyn yn gyfartal cyn yr egwyl diolch i gynnig Paul O'Neill.

Ond fe ddaeth dwy gôl mewn dau funud gan Craig Williams i sicrhau'r triphwynt i Lanelli er gwaethaf gôl gysur Ross Stephens yn y funud olaf i'r ymwelwyr.

Roedd Bangor wedi codi i'r brig ar ôl ennill yn erbyn Y Bala nos Wener.

Daeth y gôl gyntaf ar Ffordd Farrar i'r ymwelwyr wrth i Rees Darlington sgorio wedi chwe munud.

Ond rhwydodd Les Davies wedi 32 munud i Fangor i sicrhau gêm gyfartal ar yr hanner.

Ond cafodd Davies ail gôl y tîm cartref 11 munud wedi'r gêm ail gychwyn.

Bu'r dyfarnwr yn brysur gyda'r cardiau wrth i chwech o chwaraewyr Bangor a thri o rai'r Bala wedi cardiau melyn.

Cafodd Chris Roberts ddau gerdyn melyn o fewn dau funud i Fangor wedi'r 90 munud a bu'n rhaid iddo adael y cae gyda'r tîm cartref i lawr i 10 dyn am y munudau oedd yn weddill.

Roedd gan Y Seintiau Newydd gyfle i godi uwchben Bangor wrth deithio i Aberystwyth ddydd Sadwrn.

Ond y tîm cartref aeth ar y blaen ar Goedlan y Parc wrth i Geoff Kellaway rwydo wedi 55 munud.

Er i Greg Draper unioni'r sgor ar ôl 63 munud, bu'n rhaid i'r Seintiau fodloni ar bwynt.

Canlyniadau'r penwythnos

Nos Wener -

Bangor 2-1 Bala

Dydd Sadwrn -

Lido Afan 3-2 Y Drenewydd

Airbus UK 3-1 Caerfyrddin

Aberystwyth 1-1 Y Seintiau Newydd

Dydd Sul -

Llanelli 3-2 Prestatyn

Castell-nedd v Port Talbot - Wedi ei gohirio am fod y cae dan ddŵr

Tabl Uwchgynghrair Corbett Sports

Gemau Gwahaniaeth Goliau Pwyntiau
1. Llanelli 19 +26 42
2. Bangor 19 +17 41
3. Bangor 19 +20 40
4. Castell-nedd 18 +19 33
5. Bala 19 +6 30
6. Prestatyn 19 +3 27
7. Airbus UK 19 -5 22
8. Lido Afan 19 -8 21
9. Port Talbot 18 -10 18
10. Aberystwyth 19 -12 15
11. Y Drenewydd* 19 -27 13
12. Caerfyrddin 19 -29 10
* - Y Drenewydd yn ildio 3 phwynt am fod â chwaraewyr nad oedd yn gymwys.

Dydd Sul, Rhagfyr 11, 2011.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.