Galwad ffug: Yr heddlu yn rhyddhau recordiad

Mae'r heddlu sy'n ceisio dal dyn wnaeth adael negeseuon ffug fod bom wedi ei adael mewn gwesty ym Mhowys wedi rhyddhau recordiad o'i alwad 999.

Dywed Heddlu Dyfed-Powys fod y dyn wedi eu ffonio nhw ddydd Iau diwethaf o Aberhonddu.

Yn ôl yr alwad roedd bom wedi ei osod yng Ngwesty'r George, ac roedd gan yr heddlu bum munud i wagio'r adeilad.

Bu'n rhaid i 50 o bobl adael er mwyn i'r heddlu archwilio'r adeilad.

"Fe wnaeth y dyn roi'r ffôn i lawr ar ôl cyfnod byr, felly dim ond ychydig o gofnod sydd yna," meddai'r ditectif arolygydd Iwan Jones.

"Ond mae ei lais yn glir ac rydym yn gobeithio y bydd rhywun yn adnabod y llais ac yn cysylltu â ni.

"Mae'n amlwg fod hyn wedi profi'n drafferthus i westy'r George, ac i'r bobl gafodd eu heffeithio.

"Rydym yn bernerfynol o ddal y person sy'n gyfrifol."

Dywedodd, rheolwr cyffredinol Gwesty'r George, Les Rees, fod yr alwad i'r heddlu wedi ei wneud o flwch ffonio yng nghefn y gwesty.

Dylai pobl sy'n adnabod yr heddlu gysylltu â heddlu Aberhonddu ar 101.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.