Estyn Ardal Harddwch Naturiol

Cyhoeddwyd

Mae Llywodraeth Cymru wedi cadarnhau y bydd Ardal Harddwch Naturiol Bryniau Clwyd yn cael ei hestyn.

Bydd yr ardal yn cynnwys 230 cilometr sgwâr yn siroedd Dinbych a Wrecsam.

Gwnaed y cyhoeddiad gan John Griffiths, y Gweinidog Amgylcheddol, ddydd Mawrth.

Hon yw'r Ardal Harddwch Naturiol gyntaf yng Nghymru ers 26 blynedd ac fe fydd yn cynnwys Llangollen a Dyffryn Dyfrdwy.

Roedd Cyngor Cefn Gwlad Cymru, Cynghorau Sir Ddinbych a Wrecsam ynghyd â nifer o fusnesau a mudiadau gwirfoddol o blaid y cynllun.

Dywedodd Undeb Amaethwyr Cymru eu bod yn siomedig gyda'r cyhoeddiad.

Mae'r Undeb yn credu y bydd rheolau cynllunio yn fwy llym yn yr ardal, gan wneud gwaith ffermwyr yn anoddach.

Ffynhonnell y llun, Other
Disgrifiad o’r llun,
Yr olygfa o Foel Famau - safle uchaf Bryniau Clwyd

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol