Arweinydd Cyngor Blaenau Gwent yn ymddiswyddo

Des Hillman Image copyright BBC news grab
Image caption Bydd y penderfyniad yn dod i rym am 5pm ddydd Llun

Mae Arweinydd Cyngor Blaenau Gwent wedi ymddiswyddo.

Mae Des Hillman, cynghorydd Annibynnol, yn honni iddo gael ei danseilio gan aelodau ei grŵp ei hun sy'n rheoli'r cyngor.

Mae Mr Hillman yn cynrychioli ward Blaenau.

Fis diwethaf penderfynodd Llywodraeth y Cynulliad roi gwasanaethau addysg y sir yn nwylo dau gomisiynydd.

Roedd hynny wedi adroddiad beirniadol oedd yn sôn am fethiannau rheolwyr.

Dywedodd llefarydd ar ran y cyngor: "Mae Arweinydd Cyngor Blaenau Gwent wedi cyhoeddi ei ymddiswyddiad heddiw.

"Bydd y penderfyniad yn dod i rym am 5pm ddydd Llun.

"Mae'r cyngor wedi cytuno i gynnal cyfarfod ddydd Gwener i ystyried rheolaeth wleidyddol y cyngor."

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.