Pam cynnal Clonc Cwpan y Byd?

Mae pêl-droed yn un o'r ieithoedd gwirioneddol fyd-eang. Ble bynnag yr ewch, mae cefnogwyr pêl-droed wrth eu bodd yn siarad am eu timau a'r chwaraewyr rhyngwladol mawr.

Fel rhan o sylw'r BBC i Gwpan y Byd, ry'n ni am ddod â chefnogwyr at ei gilydd waeth pa iaith maent yn ei siarad. Mae Clonc Cwpan y Byd yn gyfle i fynd â hyn un cam ymhellach, i gael sgwrs fyd-eang, amlieithog.

Mae rhai o'n prif wasanaethau iaith yn dod at ei gilydd i gynnal sgwrs yn seiliedig ar gemau agoriadol a therfynol Cwpan y Byd.

Bydd y digwyddiad yn defnyddio cyfieithu peiriant awtomatig. Bydd sylwadau a gyhoeddir mewn un iaith yn ymddangos yn y 10 arall.

Mae hyn yn dilyn ein harbrawf Superpower Nation Day, a ddaeth â phobl o bob rhan o'r byd at ei gilydd i weld a allai cyfieithu peiriant ddileu rhwystrau iaith. Y tro hwn, ry'n ni wedi ychwanegu'r gallu i weld yr atebion i'ch negeseuon ac i weld pa negeseuon y mae'r tîm yn ei feddwl yw'r gorau.

Ni fydd ein pwyslais ar gywirdeb y cyfieithu, ond yn hytrach ar ddod â chefnogwyr pêl-droed o bob rhan o'r byd at ei gilydd i drafod, beth bynnag fo'u mamiaith.

Ein nod yw galluogi pobl i weld, clywed a darllen yr hyn mae cefnogwyr pêl-droed o wahanol rannau o'r byd yn ei drafod, ac i allu dilyn y sgyrsiau hynny.

Efallai na fydd yn gweithio'n rhy dda. Gall fod yn fwy o ddryswch na dim arall. Efallai y bydd yn rhaid rhoi'r gorau iddi a dechrau eto – fel sy'n gallu digwydd gydag unrhyw sgwrs.

Yr hyn sydd gennym, fodd bynnag, yw rheolau mewnol ar beidio â thramgwyddo neb.

Y cyfieithu peiriant awtomatig a ddefnyddir yw Google Translate.

Mae safleoedd cyfieithu ar-lein eraill ar gael. Dyma rai o'r mwyaf poblogaidd:

Gallwch ddysgu mwy am y safleoedd cyfieithu hyn drwy ddilyn y dolenni.

Diolch am gymryd rhan.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.