Help / Cymorth
« Blaenorol | Hafan | Nesaf »

Unnos - syrcas hippies troednoeth

Categorïau:

Huw Evans Huw Evans | 03:15, Dydd Mercher, 20 Ionawr 2010

Wel gyfeillion, ma na gyrn yn byrlymu drwy bob twll a chornel o fy nghorff i... falle fod na ffordd well o eirio hynna...

Ma adran cyrn yr "Enw Da" wrthi'n lliwio 8 canol yr ail gân efo cyffyrddiadau oompah lliwgar tra bod Dyl Mei yn ffeindio cân gan Charles Mingus o'r enw 'Moanin' i chware yn y rhaglen fel enghraifft o ddylanwadau'r adran gyrn.

Ma hyn yn golygu bod na lot o gyrn ym mhob mam.

'Man' odd hyna fod ond dwi'n teimlo fod y camsillafiad lot fwy difyr.

Ma Lovgreen a'i lygaid gwallgof hypnotig newydd gerdded mewn i'r swyddfa a gofyn i Lisa Jen chware 'chydig bach o glock ar yr adran yma fyd.

Am ryw reswm mae'r holl sôn am gyrn a glock Lisa Jen di dechre neud i mi deimlo chydig yn ben ysgafn. Falle hyd yn oed twtsh yn euog - am be, dwi ddim yn gwbod, ond dwi'n cal y teimlad fod na rhyw fath o sioe 'vaudeville' yn cael ei berfformio'n ddyfn yn fy isymwybod efo'r cymeriadau direudus yn fy arwain i at ryw foment chwyldroadol yn fy mywyd yn ymwneud â fi'n troi'n vegan ac yn gwynebu'r teimladau cymhleth yn fy mhen am bobol sydd methu gweud eu "R's".

Mae'n anhygoel yr effaith ma cerddoriaeth yn cal arno chi yn dydi? Amser neud mwy o press-ups dwi'n meddwl.

Yr ail gân yn swnio fel sioe gerdd yn cael eu perfformio mewn pabell syrcas gan griw o neo-hippies troednoeth. Gwych o beth.

DA IAWN PAWB.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.