Help / Cymorth
« Blaenorol | Hafan | Nesaf »

Symud o Blaenau i Gaerdydd!

Categorïau:

Glyn Wise Glyn Wise | 12:00, Dydd Sadwrn, 6 Ionawr 2007

Blwyddyn Newydd Dda. Dyma fi yn sgwennu fy e gyfnod cyntaf o'r flwyddyn ar gyfer C2. Nes i ddechrau'r wythnos, neu yn hytrach dechrau'r flwyddyn yn Llanrwst efo fy ffrindiau. Braf iawn oedd cael treulio amser yn y gogledd, heb fod yno llawer ers dod allan o Big Brother.

Dydd Mercher es i draw i weld fy chwaer a'i theulu sy'n byw tu allan i Fangor. Nes i rili fwynhau treulio amser gyda fy nai naw mis oed Dylan. Rhanfwyaf o'r amser mae Dylan yn hogyn da yn enwedig pan oedd ei fam yn yr ystafell, os oedd Alison yn gadael yr ystafell, a dim ond fi a Dylan oedd ar ôl yna mi fyddai'n dechrau crio!

Ar ôl cael swper yn nhy fy chwaer, nes i ddal y tren o Fangor i Gaerdydd. Pump awr o daith, a dwi'n casau pob munud ohoni, yn enwedig pan mae pobl newydd yn dod ar y tren, ac yn syllu arnai!

Ar ôl cyrraedd y brifddinas, es i'n syth i'r gwesty i gael gwely cynnar a gwylio Celebrity Big Brother, gweithio'n gynnar bore fory - felly rhaid i fi gael fy 'beauty sleep'!

Codi bore Iau a syth i ganolfan siopa yng nghanol Caerdydd. Heddiw mi oeddwn i hefo criw camera 'Celebrity Big Brother's Little Brother' yn holi pobl oedd yn siopa am eu hoff gymeriadau nhw o'r gyfres eleni. Nes i rili mwynhau, er fod y cyfarwyddwr yn dweud bo fi'n holi gormod o ferched!! Nôl a fi ar y tren am 5 awr arall i'r gogledd (o leia dyma'r tro olaf i fi wneud y daith afiach yma am sbel!!)

Amser cinio dydd Gwener ges i fy mhigo fyny i fynd draw i stiwdio's Barcud ar gyfer bod yn westai ar raglen Uned 5. O ni ar y rhaglen i sôn am Big Brother a hefyd i plygio fy mod i ar C2 bore fory efo Magi Dodd. Cyn y rhaglen nes i gael gem o Wii efo Ows Goch o Frizbee, oedd o'n 'mega cool', edrych mlaen i brynu un fy hun rwan! Ar ôl y rhaglen nôl a fi i Gaerdydd.

Codi'n fuan bore Sadwrn, a mi oedd Magi, Siân a fi yn swyddfa C2 erbyn 9 o'r gloch. Mi wnaethon ni ymarfer rhai o'r lincs a recordio ychydig o bethau ar gyfer y rhaglen. Erbyn tua 11, mi oeddwn i'n teimlo'n nerfus iawn. Mi nes i fwynhau'r rhaglen, mi wnaeth yna lwyth o bobl gysylltu â ni ar e bost a text, a mi wnaeth yr awr hedfan! Edrych ymlaen i nos Fercher rwan ar gyfer cyd - gyflwyno efo Daf Du! Off a fi rwan lawr i'r dre i recordio ar gyfer CBBLB! Welai chi wythnos nesaf!

Hwyl

Glyn

x

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.