Help / Cymorth
« Blaenorol | Hafan | Nesaf »

Hunangofiant Glyn!

Categorïau:

Glyn Wise Glyn Wise | 12:00, Dydd Mercher, 17 Ionawr 2007

Ar ôl gwobrau RAP penwythnos diwethaf, nes i anghofio sôn fy mod i wedi deffro yn y gwesty yn Llandudno a 'di mynd lawr i frecwast heb sbectol. O ni'n rhannu bwrdd efo'r ddynes wnaeth ennill gwobr Cyfraniad Oes y noson gynt - neb llai na Caryl Parry Jones! Gan bo fi ddim yn gwisgo fy sbectol o ni ddim yn siwr iawn pwy oedd hi a nes i fwydro dipyn! So os ti'n darllen hwn Caryl - sori!

P'nawn Sul nes i fynd i barti penblwydd fy nai Dylan John yn un oed. Mi oedd ty fy chwaer yn llawn plant o bob oed, a lot o fwyd neis! Gwely cynnar oedd hi i fi wedyn nos Sul!!

Dydd Mawrth oedd hi'n ddiwrnod crempog, a mi o ni wedi cytuno i wneud arddangosfa goginio yn y Galeri yng Nghaernarfon efo Dudley. Yr unig beth fedrai ddweud oedd, ei fod o fatha sioe 'the brains and the idiot of food!'

Mi o ni'n helpu Dudley i wneud pryd 3 cwrs. I ddechrau mi wnaethon ni rhywbeth oedd yn debyg iawn i pillowcases, sef ravioli, yna 'meat balls' fel yr ail gwrs ac yna crempogau i bwdin.

Ar ôl gorffen gwneud y bwyd, mi oedd rhaid i fi wneud 'meet and greet', sef arwyddo llwyth o autographs a cael tynnu fy llun sawl gwaith.

Dydd Mercher, mi oedd rhaid i fi wneud fy nghas beth, sef teithio ar y tren o Landudno i Gaerdydd, siwrne sy'n cymeryd rhanfwyaf y dydd. Ar ôl cyrraedd stesion Caerdydd, mi oedd rhaid i fi fynd yn syth i swyddfa C2 i baratoi ar gyfer rhaglen C2 nos Fercher. O ni di blino braidd, a ddim yn teimlo fy mod wedi cael y rhaglen orau yn y byd, ond mi wnes i fwynhau'r cwis pop fathag arfer!
Dydd Iau, mi es i ar 'tour' o amglych Canolfan y Mileniwm efo fy Anti a fy Yncl. Dyma'r trydydd gwaith i fi fynd ar y 'tour' yma, a rhaid dweud bo fi bach yn bored ohono fo erbyn hyn. Nes i adael fy nheulu yno, a mynd adre i sgwennu fy ffan mail, rhywbeth dwi wedi fwriadu ei wneud ers 'Dolig, ond wasatad yn rhoi 'off' ei wneud. Mae rhai o fy ffans i mor garedig, ma' nhw'n gyrru bob math o anrhegion drud atai, felly dwi'n teimlo ei fod yn bwysig fy mod i'n diolch iddyn nhw.

Dydd Gwener nes i ddechrau ar y dasg o sgwennu fy hunangofiant. Dwi ddim yn sgwennu fo fy hun, Beca Brown sy'n sgwennu fo ar fy rhan i a dwi dweud wrthi be dwi di bod yn wneud. Dwi'n falch erbyn hyn bo fi wedi cadw dyddiadur ers i fi ddod allan o'r ty mis Awst diwethaf. Mae gennai naw sesiwn arall efo Beca, felly mi fydd rhaid i fi ddechrau meddwl am be o ni'n wneud cyn Big Brother.

A na fo am wythnos arall!

Tan tro nesaf!

Hwyl

Glyn

x

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.