Cyfesurynnau
Mae gan bob graff echelin x ac echelin y. Defnyddir cyfesurynnau, a ysgrifennir fel dau rif, i roi safleoedd ar graff. Mae’r echelin x yn llorweddol a’r echelin y yn fertigol.
Part of
Cyfesurynnau ac echelinau
Echelinau
Mae gan bob graff echelin \({x}\) ac echelin \({y}\). Dyma ddiagram o set o echelinau nodweddiadol.
- Enw pwynt \(({0},{0})\) ydy’r tarddbwynt.
- Yr echelin lorweddol ydy echelin\({x}\).
- Yr echelin fertigol ydy echelin\({y}\).
Mae echelin x yn llorweddol, ac echelin y yn fertigol.
Cyfesurynnau
Mae’r cyfesurynnau yn cael eu hysgrifennu fel dau rif, wedi eu gwahanu gan atalnod a’u cynnwys o fewn cromfachau. Er enghraifft \(({2},~{3})\), \(({5},~{7})\) a \(({4},~{4})\).
- Mae’r rhif cyntaf yn cyfeirio at y cyfesuryn \({x}\).
- Mae’r ail rif yn cyfeirio at y cyfesuryn \({y}\).
Mae cyfesurynnau yn cael eu hysgrifennu yn nhrefn yr wyddor – felly mae x yn dod o flaen y (x,y).