Mathau o rwydweithiau
Ystyr rhwydwaith yw nifer o gyfrifiaduron sydd wedi’u cysylltu â’i gilydd er mwyn iddyn nhw allu rhannu adnoddau. Fel arfer mae gweinydd yn darparu gwasanaethau fel lle i storio ffeiliau ac ebost. Mae’r rhyngrwyd yn cysylltu rhwydweithiau cyfrifiadurol â’i gilydd.
Part of
Rhwydwaith bws
Mewn rhwydwaith bws mae pob gweithfan, gweinydd ac argraffydd wedi’i gysylltu ag un cebl (y bws). Ym mhob pen i’r cebl mae terfynell wedi’i gosod er mwyn atal signalau rhag adlewyrchu’n ôl i lawr y bws.
Manteision ac anfanteision rhwydwaith bws
Mantais rhwydwaith bws yw:
- mae’n rhad i’w osod, a does dim angen llawer o gebl
Anfanteision rhwydwaith bws yw:
- os na fydd y prif gebl yn gweithio, neu os caiff ei ddifrodi, ni fydd unrhyw ran o’r rhwydwaith yn gweithio
- wrth i fwy o weithfannau gael eu cysylltu bydd perfformiad y rhwydwaith yn arafach oherwydd gwrthdrawiadau data
- mae pob gweithfan ar y rhwydwaith yn "gweld" yr holl ddata sydd ar y rhwydwaith – mae hyn yn risg o ran diogelwch