Crynodeb o’r asesiad

Bydd yr arholiad hwn yn profi dy sgiliau darllen ac ysgrifennu. Yn Adran A bydd rhaid i ti ateb ystod o gwestiynau yn seiliedig ar destunau darllen. Bydd y darnau darllen yn ddarnau Trafod, Perswâd a Chyfarwyddiadol.

Yn Adran B bydd rhaid i ti ysgrifennu dau ddarn. Gall fod naill ai’n dasg trafod neu dasg perswadio.

Mae’r papur werth 70 o farciau:

  • 30 marc ar gyfer y darllen
  • 40 marc ar gyfer y ddwy dasg ysgrifennu

Trafod

Mae testun sydd yn trafod yn:

  • cyflwyno dadleuon a gwybodaeth o wahanol safbwyntiau
  • cychwyn gyda dadl ac yna defnyddio ffeithiau i’w chefnogi
  • nodi dwy ochr y ddadl a nodi manteision ac anfanteision
  • defnyddio amser presennol y ferf
  • defnyddio iaith mynegi barn a rhesymau

Mathau o ffurfiau ysgrifennu sy’n trafod:

  • traethawd
  • erthygl
  • blog
  • araith

Cofia feddwl am y canlynol wrth ysgrifennu darn sy’n trafod:

  • ffurf - ym mha ffurf wyt ti’n ysgrifennu (erthygl, ymson, portread, llythyr, stori ayyb)?
  • cynulleidfa - ar gyfer pwy wyt ti’n ysgrifennu (plant, oedolion, dynion, menywod ayyb)?
  • pwrpas - pam wyt ti’n ysgrifennu (i berswadio, dadlau, adolygu ayyb)?
  • arddull - sut wyt ti’n ysgrifennu (ffurfiol, siaradus, difrifol, comig, bratiaith ayyb)?