Effaith crynodiad a gwasgedd ar gyfradd

Gallwn ni newid cyfradd adwaith cemegol drwy newid crynodiad adweithydd mewn hydoddiant, neu wasgedd adweithydd nwyol.

Os ydyn ni’n cynyddu’r crynodiad neu’r gwasgedd:

• mae mwy o ronynnau o’r adweithyddion i bob uned cyfaint (hynny yw, mae llai o le rhwng y gronynnau o’r adweithyddion)
• mae mwy o siawns y bydd y gronynnau’n gwrthdaro, sy’n arwain at fwy o wrthdrawiadau llwyddiannus bob eiliad
• mae cyfradd yr adwaith yn cynyddu

Dyma sut mae llinell graff adwaith ar grynodiad (mewn hydoddiant) neu wasgedd (mewn nwy) uwch yn wahanol i linell yr un adwaith ar grynodiad neu wasgedd is:

• mae’r graddiant yn fwy serth i ddechrau
• mae’n mynd yn llorweddol yn gynt

Mae hyn yn dangos bod cyfradd yr adwaith yn fwy ar y crynodiad neu wasgedd uwch.