Rhifau positif a negatif
Gelwir rhifau o dan sero yn rhifau negatif. Gelwir rhifau uwchben sero’n rhifau cyfan. Mae rheolau y gelli di eu defnyddio wrth adio, tynnu, lluosi neu rannu rhifau positif a negatif.
Lluosi a rhannu rhifau positif a negatif
Dyma’r rheolau ar gyfer arwyddion wrth luosi a rhannu:
- Pan fydd yr arwyddion yn wahanol mae’r ateb yn negatif.
- Pan fydd yr arwyddion yr un fath mae’r ateb yn bositif.
- Question
Cyfrifa
a) \({5}\times-{4}\)
b) \(-{40}\div-{8}\)
a) Mae gyda ni \({+5}\) a \({-4}\). Mae’r arwyddion yn wahanol, felly bydd yr ateb yn negatif. Felly, \(+{5}\times-{4} = -{20}\).
b) Mae gyda ni \({-40}\) a \({-8}\). Mae’r arwyddion yr un fath, felly bydd yr ateb yn bositif. Felly, \(-{40}\div-{8} = {5}\).