Technegau gwahanu

Hidlo

Rydyn ni’n defnyddio’r dechneg hon i wahanu solid anhydawdd oddi wrth hylif. Fel hyn, gallwn ni wahanu cynnyrch oddi wrth gemegion sydd heb adweithio, sgil gynhyrchion neu hydoddydd.

Gwahanu solidau anhydawdd

1. Mewn un bicer, mae cymysgedd o solid a hylif. Yn y llall, mae twndis hidlo a phapur hidlo

2. Arllwys y cymysgedd solid a hylif i mewn i’r twndis hidlo

3. Yr hylif yn diferu drwy’r papur hidlo, ond gronynnau’r solid yn cael eu dal yn y papur hidlo

Anweddu

Pan mae cynnyrch yn cael ei wneud fel hydoddiant, un ffordd o’i wahanu oddi wrth yr hydoddydd yw drwy wneud grisialau. Mae hyn yn golygu anweddu yr hydoddiant i gyfaint llawer llai ac yna gadael iddo oeri. Wrth i’r hydoddiant oeri, mae grisialau’n ffurfio, a gallwn ni gael y rhain drwy hidlo.

Distyllu syml

Mae distyllu’n gwahanu hylif oddi wrth hydoddiant. Er enghraifft, gallwn ni ddefnyddio distyllu syml i wahanu dŵr o heli. Mae’r dull hwn yn gweithio oherwydd mae’r dŵr yn anweddu o’r hydoddiant, ond yna’n cael ei oeri a’i gyddwyso i gynhwysydd arall. Dydy’r halen ddim yn anweddu, felly mae’n aros ar ôl.

Gwahanu hylif oddi wrth hydoddiant

Distyllu syml

1. Gwresogi dŵr hallt

2. Yr anwedd dŵr yn oeri yn y cyddwysydd ac yn diferu i mewn i ficer

3. Mae’r dŵr wedi cyddwyso ac mae nawr yn y bicer, a’r halen yn aros ar ôl