Manteision defnyddio TGCh mewn arbrofion gwyddonol

Dulliau mwy effeithlon o logio data

Mae arbrofion sy’n defnyddio cyfarpar logio data yn gallu:

• cymryd darlleniadau cywir iawn
• cael eu gadael heb fod angen pobl o’u cwmpas
• cael eu gosod i gymryd darlleniadau dros gyfnod hir, er enghraifft, darlleniadau tymheredd bob awr bob diwrnod
• cael eu gosod i gymryd llawer o ddarlleniadau mewn cyfnod byr
• cael eu defnyddio pan mae risg o ran diogelwch, er enghraifft, oerfel neu wres eithafol

Prosesu a chyflwyno canlyniadau’n well

• Mae’n bosibl prosesu’r data sy’n cael eu casglu o’r arbrawf gwyddonol drwy ddefnyddio meddalwedd arbenigol neu eu rhoi mewn taenlen.
• Mae’n bosibl cynhyrchu graffiau llinell, graffiau olwyn neu graffiau bar.
• Mae’n bosibl arddangos tabl gwerthoedd.
• Mae’n bosibl allforio y gwerthoedd i becyn cyhoeddi bwrdd gwaith (CBG).
• Mae’n bosibl ychwanegu testun i egluro’r arbrawf a’r canlyniadau sy’n cael eu dangos.
• Mae’n bosibl mewnforio clipluniau i roi amlinelliad gweledol a dangos yr arbrawf.
• Yna mae’n bosibl cadw’r adroddiad a’i ddosbarthu’n eang mewn gwahanol ffyrdd, er enghraifft ebost, post neu ffacs.