Adhbharan airson a’ Chogaidh Fhuair
An dèidh an Dara Cogaidh bha Cogadh Fuar ann ri linn bheachdan eaconamach is poilitigeach nan SA is nan USSR. Bha NATO is Aonta Warsaw stèidhichte. Bha rèis nam ball-airm is an fhànais eatarra.
Rèis dhan fhànais
Bha na SA agus an USSR a' farpais mu rannsachadh fànais. Bha sin a' gabhail a-steach an fhànas a rannsachadh le saidealan fuadain, daoine a chur dhan fhànas agus daoine a chur air a' ghealaich.
Ann an 1958, stèidhich na SA Buidheann Nàiseanta airson Adhar-sheòladh agus Riaghladh Fànais, (NASA: National Aeronautics and Space Administration) airson am prògram fànais aca a leasachadh. Ann an 1957, chuir na Sòbhietich air falbh Sputnik, a' chiad shaideal a chaidh dhan fhànas.
A' chiad duine a chaidh dhan fhànais
Chuir na Sòbhietich cuideachd a' chiad duine, Yuri Gargarin, dhan fhànas agus chuir e cuairt mun Talamh sa Ghiblean, 1961.
A' chiad duine a chaidh chun na gealaich
B' e na SA a' chiad dùthaich a chuir duine chun ghealaich ann an 1969.
