Mesurau

Cyn mesur rhywbeth, mae angen gwybod pa uned i’w defnyddio. Gelli di wneud hyn drwy amcangyfrif ei faint yn fras. Wrth drosi rhwng unedau, mae rhai rheolau syml y dylet ti eu dilyn.

Part of

Trosi unedau arwynebedd a chyfaint

Mae’r dull trosi rhwng unedau’n gweithio’r un fath ar gyfer trosi unedau arwynebedd a chyfaint, ond mae angen gofal.

Rydyn ni’n gwybod bod {1}~{cm} = {10}~{mm} , felly, wrth feddwl am sgwâr a’i ochr yn {1}~cm , rydyn ni’n gweld bod ei arwynebedd yn ${1}~cm\times{1}~cm = {1}~cm^{2}$ .

O wneud y cyfrifiad mewn {mm} fe gawn ni ${10}~{mm}\times{10}~{mm} = {100}~{mm}^{2}$ . Felly mae ${1}~cm^{2} = {100}~mm^{2}$ .

Yn yr un modd mae ${1}~cm^{3} = {10}\times{10}\times{10}~mm^{3} = {1,000}~mm^{3}$ .

{1} droedfedd sgwâr $={12}\times{12}$ modfedd sgwâr ={144} modfedd sgwâr.

Wrth drosi o un math o uned i un arall, bydd angen i ti wybod faint o’r unedau llai sydd eu hangen i wneud 1 uned fwy.

Wrth drosi o uned fwy i uned lai rwyt ti’n lluosi, ee ${m}^{2}$ i ${cm}^{2}$ .

Wrth drosi o uned lai i uned fwy, rwyt ti’n rhannu, ee ${cm}^{2}$ i ${m}^{2}$ .

Enghraifft

Trosa ${50,000}~cm^{2}$ i ${m}^{2}$ .

{1}~{m} = {100}~{cm} .

Diagram sgwariau

Felly, ${1}~m^{2} = {100}~cm\times{100}~cm = {10,000}~cm^{2}$ .

Rwyt ti’n trosi o uned lai ( $cm^{2}$ ) i uned fwy ( $m^{2}$ ), felly rhanna.

${50,000}~cm^{2} = {50,000}\div{10,000} = {5}~m^{2}$ .

Enghraifft

Trosa ${10}~cm^{3}$ i $mm^{3}$ .

{1}~cm = {10}~mm .

Diagram ciwbiau

Felly, ${1}~cm^{3} = {10}~mm\times{10}~mm\times{10}~mm = {1,000}~mm^{3}$ .

Rwyt ti’n trosi o uned fwy ( ${cm}^{3}$ ) i uned lai ( ${mm}^{3}$ ), felly lluosa.

${10}~cm^{3} = {10}\times{1,000} = {10,000}~mm^{3}$ .