Cynrychioli data

Wrth gasglu a chofnodi data, gelli di eu cynrychioli mewn diagram. Gan ddibynnu ar y canlyniadau, gelli di ddefnyddio siart bar, siart cylch, graff, pictogram, diagram amlder neu ddiagram gwasgariad.

Part of

Mathemateg

Casglu, cofnodi a chynrychioli data

Siartiau cylch

Mae siartiau cylch yn defnyddio sectorau o wahanol faint mewn cylch i gynrychioli data.

Darllen siartiau cylch

Question

Mae’r siart cylch hwn yn dangos canlyniadau arolwg o sut mae myfyrwyr yn teithio i’r ysgol.

a) Beth ydy’r dull teithio mwyaf cyffredin?

b) Pa ffracsiwn o’r myfyrwyr sy’n teithio i’r ysgol mewn ceir?

c) Os mai {6} o fyfyrwyr sy’n teithio mewn ceir, faint o bobl gymerodd ran yn yr arolwg?

a) Bws ydy’r dull teithio mwyaf cyffredin gan mai dyma’r sector mwyaf ar y siart cylch.

b) Mae $\frac{1}{4}$ o’r myfyrwyr yn teithio mewn ceir.

c) Mae {6} o fyfyrwyr yn teithio mewn ceir, ac mae hynny’n $\frac{1}{4}$ y cyfanswm. Felly, cafodd {24} o bobl eu holi ar gyfer yr arolwg.

Question

Gwerthodd cadwyn o archfarchnadoedd {3,600} paced o selsig yn ystod y mis diwethaf. Mae’r siart cylch yn dangos y gwahanol flasau.

Mae cig eidion yn ${150^\circ}$ , llysieuol yn ongl sgwâr, porc yn ${40^\circ}$ ac eraill yn ${80^\circ}$ .

a) Sawl pecyn o selsig llysieuol gafodd ei werthu?

b) Sawl pecyn o selsig cig eidion gafodd ei werthu?

a) Selsig llysieuol ydy $\frac{1}{4}$ y cyfanswm a werthwyd, felly cyfrifa $\frac{1}{4}$ o {3,600} : $\frac{1}{4}\times{3,600} = {900}$ . Felly, gwerthwyd {900} pecyn o selsig llysieuol yn ystod y mis diwethaf.

b) Mae ${360}^\circ$ mewn cylch cyflawn. Mae gan y sector ‘cig eidion’ ongl o ${150}^\circ$ , felly mae’r sector cig eidion yn $\frac{150}{360}$ o’r cylch. $\frac{150}{360}\times{3,600} = {1,500}$ . Felly, gwerthwyd {1,500} pecyn o selsig cig eidion.

Accessibility links

Cynrychioli data

Siartiau cylch

Darllen siartiau cylch

CA3 Subjects